ZUBAIDA KHAATOON

GRAND MOTHER (NANI)
Main ek aisi khatoon ka zikr karne ja raha hu jo ab is duniya se apna rakht e safar baandh chuki hai aur apne safar me aage badhgayi
Duniya ki dushwaariyo se guzar kar ab kabr ke taarikiyo me apne safar ka aagaz karchuki
Sach poocho to hum azl se safar karte chale aarahe hain aur yeh safar hum karte rahenge yaha tak ki jannat ya dozakh tak na pahoch jayen
Jannat se safar ka aagaz kiya aur mukammal bhi wahi karna hai lekin kufr o shirk se paak rehte hue warna manzil dozakh hojayegi.
Baat taweel hojayegi gar rukh manzil e maqsood ki jaanib moda.

Main arz yeh kar raha tha k meri Nani ka intekaal hogaya hai
Woh Mazhab e Nasraan(CHRSTN) se ta-alluk rakhti thi
Mere Nana se Shaadi(Lov Marrg) hui Musalmaan hona pada.
Dil ki gehraai tak to nahi pahonch saka k deen se kitni mohabbat thi
Lekin Islaam se kareeb hote hi woh tor tarike jisme se ur-aaniyat ki bu aati thi use apne se alag thalag kiya.
Woh oodhne ka ehtamam karti thi goya Musalmaan khaandaan ki parwarda ho
Har Baalig shakhs se mulaakat k wakt chahe mehram ho ya na mehram apne aap ko sameth leti aur khoob dhak leti
Umuman aurte cut slvs ya half slvs tak pehanti hain lekin Nani hamesha full slvs hi istemaal karti thi
Aur Marte dam tak woh libaas oodha k aaj ki shayad hi kisi khatoon ne apne ko itna dhaka ho.
Phir kudrat ne bhi unhe aisa chupaya k maut k baad kabr tak unke jism ka koi hissa zaahir na hosaka.
Aur kudrat jise posheeda rakhna chahe to banda kya use apni maathe ki nigaaho se dekhsakega !!!!! main barabar maujood tha tadfeen k wakt.
Aurat ka matlab chupi hui ya chupane wali shaye
Nani ne iska saboot dediya k woh kuch nahi to ek aurat zaroor hai
Namaaz Roza Zakaat to hamesha se maamool me raha Lekin akheer wakt me HAJ se bhi sarfarazi haasil ki.
Khuddar shakhsiyat thi, apne paas se logo ko takseem karti rahi... kabhi kisi k aage daman nahi phelaya
Apne tadfeen ke ikhraajaat tak meri waalida ko kuch dino pehle dediye.
Maine aisi khoobiya aaj ke zamaane me kisi aurat me nahi dekhi

Allah meri naani ko karwat karwat aaram de
Ae allah ..... usne apna rukh teri jaanib kar diya tu bhi apni khaas rehmato ka rukh uski aur humsabki jaanib mod de
Usne kaafi had tak parde ka ehtamaam kiya tu uske aur hum sabke gunaaho par apni khaas rehmat ka parda daal de
Aur hum sabko Aakhirat me apni Khaas rehmat ke saaye me jagah ata farma.
AAMEEN..........